En outubro de 2007 nace El Patito Editorial coa publicación do catálogo da exposición "Golfiño en portada". Desde un principio, os obxectivos foron claros para nós:
A nosa aposta xeral é polos libros de calidade que se afastan das modas pasaxeiras e entenden a historieta como un xénero máis da literatura. Cada obra é, para El Patito Editorial, un problema a estudar para lograr a edición perfecta que se adapte a cada unha das súas páxinas. O formato é unha das nosas preocupacións, porque cremos que unha obra de calidade pode perder atractivo por unha edición mal coidada.
O equipo que formamos El Patito Editorial somos:
Editora: Gemma Sesar, historiadora do arte e fan incondicional do cómic.
Director Artístico: Fausto Isorna, deseñador gráfico e debuxante de historieta cunha carreira de máis de vinte anos en activo.