Así es Santiago

O recoñecido ilustrador Fermín Solís visitou Santiago de Compostela para darnos a súa particular visión da cidade, dos seus espazos máis singulares, dos seus habitantes e dos seus eventos. Afastado da habitual imaxe centrada no seu compoñente relixioso, Solís retrata unha Compostela diferente pero á vez próxima —a que pode atoparse calquera visitante ocasional paseando as súas rúas—, e todo iso cun grande sentido do humor e uns espléndidos debuxos, nunha declarada homenaxe ao gran mestre dos libros de viaxe, Miroslav Sasek.